Thu May 19 2022
मुख्य खबर

मेयरबाट राजीनामा दिएर वडा सदस्यको उम्मेदवार

सुनसरीको इनरुवा नगरपालिकाका मेयर राजन मेहेताले वडा सदस्यका लागि उम्मेदवारी दिनु भएको छ । मेहेताले इनरुवा नगरपालिका वडा नम्बर २ को वडा सदस्यमा उम्मेदवारी दिनु भएको हो ।
वडा अध्यक्षमा रन्जेस भट्टराई नेतृत्वको टीममा मेहेताको नाम सदस्यमा दर्ता भएको छ ।

इनरुवा कांग्रेस नेताहरुले भने जिल्ला समन्वय समितिको प्रमुखमा जान मेहेता वडा सदस्यमा उठेको तर्क गरेका छन् । मेयरमा दोहोरिन नपाएका मेहेताले जिल्ला समन्वय समितिको प्रमुख बनाउने तयारीलाई पनि खुलेर स्वीकार्नु भएको छैन । तर पार्टीले वडा सदस्यमा आफुलाई उठाएको मेहेताले बताउनुभयो । यस्तै पहिले चुनाव जितेपछि मात्रै जिल्ला समन्वय समितिको कुरा आउने उहाँको भनाइ छ ।

सुनसरीमा हेभीवेट नेताले वडा सदस्यमा उठेर जिल्ला समन्वय समिति ताक्ने यो पहिलो उदाहरण भने होइन । तत्कालीन नेकपा एमाले सुनसरीका कार्यवाहक अध्यक्ष रमेश बस्नेतले पनि धरान उपमहानगर पालिकाको वडा नम्बर ६ को सदस्यमा उठेका थिए । वडा चुनाव जिते पनि जिल्ला समन्वय समिति निर्माणमा एमालेको बहुमत नआएपछि उनी सदस्यमै सीमित भएका थिए ।