Mon May 16 2022
मुख्य खबर

लागुऔषध सहित नवलपरासीबाट दुई भारतीय नागरिक पक्राउ

काठमाडौँः प्रहरीले नवलपरासी (बर्दघाट सुस्ता पश्चिम) को सीमावर्ती क्षेत्र प्रतापपुरमा मोटरसाइकलमा राखेर ल्याइएको लागुऔषध सहित दुई जना भारतीयलाई पक्राउ गरेको छ ।

भारतको गोरखपुर रेजियाका २० वर्षे भोलु चौहान र १९ वर्षे राकेश सहानीले युपी ५६ एएन ३९४२ नम्बरको मोटरसाइकलमा राखेर ल्याउँदै गरेको लागुऔषध प्रहरीले बैदौलीमा चेक जाँच गर्ने क्रममा फेला पारेको हो ।

उनीहरुले एक सय ७५ एम्पुल डाइजापाम, एक सय ७५ एम्पुल फेनारगन र एक सय ७५ एम्पुल नुफिन बोकेर ल्याएका थिए । प्रहरीले लागुऔषध, मोटरसाइकल र दुबै जना भारतीयलाई नियन्त्रणमा लिएर आवश्यक अनुसन्धान थालेको बताइएको छ ।