Thu May 26 2022
मुख्य खबर

स्थानिय निर्वाचन नजिकिँदै गर्दा विदेशिने युवाहरुको लर्को

मेनुका लम्साल- स्थानिय निर्वाचन नजिकिदै गर्दा ठुलै संख्यामा नेपाली युवाहरु भने विदेशी रहेका छन् । मन परेको र देश विकास गर्ने उम्मृदवारलाई मत दिएर विजयी गराउने उनीहरुको रहर बाध्यतामा सिमित भएको छ ।

राम्रो उम्मेद्वारलाई भोट दिएर जिताउने र देश बनाउने अभिभारा सुम्पिने समयमा उनीहरु भने सपनाको भारी बोकेर जनजीविकाकै लागि विदेश भौतारिका हुन ।

उनी हुन् नुवाकोट घर भएका राजन खत्री । एक पटक अमेरिका गएर विदाको समयमा आफ्नो परिवारसँग भेटघाटका लागि नेपाल फर्किएका खत्री, शुक्रबार पुनः आफ्नो गन्तव्यतर्फ लागेका हुन् ।

स्थानिय तहको निर्वाचन हुन केही दिन मात्र बाँकी रहेको बेला दक्ष तथा मन परेको उम्मेद्वारलाई जिताएर देशको विकास निर्माण गर्नुपर्ने समयमा खत्री परदेशतर्फ लागेका हुन् । यसमा खत्री खुशी पनि छन् त कत्ति दुखि पनि ।

उनी राम्रो काम नगर्ने जनप्रतिनीधि आउने भएकाले गलत भोट दिनबाट आफु वञ्चित भएकोमा खुशी समेत व्यक्त गरे ।

यही वैसाख ३० गते हुने स्थानीय तहको निर्वाचन नजिकिदै गर्दा देशभर स्थानिय निर्वाचनको प्रचारप्रसारले रौनकता छाएको छ । तर काठमाडांैस्थित त्रिभुवन अन्तर्राष्ट्रिय विमानस्थलमा भने खत्री जस्ता थुप्रै नेपाली युवाहरुको विदेश जाने लर्को लागेको छ ।

निर्वाचनका लागि लाइन लाग्ने बेला आउँदै गर्दा उनीहरु हातमा पासपोर्ट र भिसा लिएर विभिन्न मुलुकतर्फ जान बाध्य भएका छन् । संविधान सभामा भोट हाल्ने रहर भए पनि काम नगरी परिवार नचल्ने र आफ्नो भविष्य नेपालमा नबन्ने भन्दै उनीहर बाध्य भएर विदेशिनु परेको शुक्रान तामाङले बताइन ।

देशमा राम्रो जनप्रतिनीधिलाई जिताएर देश विकास गर्नुपर्ने समयमा आफु विदेशिनु पर्दा दुःख लागेको उनीहरुले गुनासो गरेका छन । तर परदेशमै रहेर पनि राम्रो जनप्रतिनीधि देशमा आएर विकास गर्छ भन्ने आशा राखेको अर्का यात्रु रमेश सुनुवारले बताए ।

अमेरिका जानका लागि एयपोर्टको लाइनमा बसेकी केशवी गिरि जोड दिदै भन्छिन, बाध्यतावश निर्वाचनकै समयमा देश छोडेर जानु पर्दा दुःख लागेको बताइन । तर उनले आफुलाई कुनै पार्टीसँग सरोकार नभए पनि देश सम्हाल्ने अवसर युवा पुस्तालाई दिनुपर्ने बताइन ।

नेपालमा रोजगारीको राम्रो व्यवस्था नहँुदा आफुहरु बाध्यताले विदेशिनु परेको अन्य थुप्रै युवाहरुले गुनासो गरेका छन् । कतिपय युवाहरुले भने स्थानिय निर्वाचन नजिकिदै गर्दा आफुहरु विदेशिनु पर्दा आफु्लाई मन परेको उम्मेद्वारलाई भोट लगाउन नपाएको दुखेसो पोखेका छन् ।

स्वदेशमै रोजगारीको पर्याप्त संभावना भएपनि त्यसलाई सरोकारवाला निकाय र सरकारले सही सदुपयोग गर्न नसक्दा दैनिक रुपमा हजारौको संख्यामा युवाहरु विदेशिन बाध्य छन । तर यसवर्षको स्थानिय निर्वाचनबाट राम्रा जनप्रतिनीधि निर्वाचित भइ देशलाई विकास गर्नेप्रति उनीहरु आशावादी छन् ।