Thu May 26 2022
मुख्य खबर

डोटीमा जिप दुर्घटना : दुई जना घाइते, एकको अवस्था गम्भीर

डोटीमा जिप दुर्घटना हुँदा दुईजना घाइते भएका छन् ।

आदर्श गाउँपालिकाबाट दिपायलतिर आइरहेको शिलेश्वरी यातायातको से १ ज ७८५ नम्बरको जिप दुर्घटना भएको प्रहरीले जनाएको छ । दिपायल सिलगढी नगरपालिका-१ तिखाको माथिल्लो मोडमा शनिबार साँझ टिपरलाई साइड दिने क्रममा जिप दुर्घटना भएको हो ।

दुर्घटनामा २५ वर्षीय चालक रमेश दास सामान्य घाइते भएका छन् । जिपमा सवार आदर्श गाउँपालिका–२ भाडीकोटका २४ वर्षीय डिलबहादुर थापा गम्भीर घाइते भएका छन् । घाइते थापाको शैलेश्वरी अस्पतालमा उपचार भइरहेको प्रहरीले जनाएको छ ।

जिप पूर्ण रूपमा क्षतिग्रस्त भएको प्रहरीले जनाएको छ ।