Fri May 27 2022
देश

नवलपरासीमा ११० वर्षीय वृद्धद्वारा मतदान

नवलपरासी पश्चिममा निर्धारित समयदेखि नै २८३ मतदान केन्द्रबाट मतदान शुरु भएको छ। जिल्लाको ७ वटै पालिकाको २८३ मतदान केन्द्रबाट सहज वातावरणमा मतदान कार्य जारी रहेको प्रमुख जिल्ला अधिकारी श्रवण कुमार पोखरेलले जानकारी दिए ।

जिल्लामा बिहान ८ बजे ३० मिनेटसम्म जिल्लाकै जेष्ठ नागरिक ११० बर्षिय सहासन धुनियाले पनि आफ्नो मतदान सुरक्षित गरेका छन् । उनी रामग्राम नगरपालिका वडा २४ भुस्नापुरका  हुन्।  यो समयसम्म १०० बर्ष भन्दा माथिको ४ जनाले मतदान गरेका छन्।

त्यस्तै रामग्राम १ सहुवाटिकरबाट १०७ बर्षिय शंकर यादब र उनकी श्रीमती सुनारेव यादब, सुस्ता गाउँपालिका ३ बाट १०५ बर्षिय चेतनारायण पौडेलले पनि उत्साहका साथ आफ्नो मतदान सुरक्षित गरेको प्रजिअ पोखरेलले जानकारी दिए । प्रजिअ पोख्रेलका अनुसार जिल्ला भारतीय सीमासँग जोडिएको जिल्ला रहेकाले यहाँ सुरक्षा ब्यवस्था कडा पारिएको र सहज वातावरणमा मतदान कार्य भइरहेको जानकारी दिए ।