Fri May 20 2022
देश

मकवानपुरको थाहा-१ मा माओवादीको प्यानलै विजयी

मकवानपुरको थाहा नगरपालिका-१ को सम्पन्न मतगणनामा माओवादी केन्द्रका उम्मेदवारको प्यानल नै विजयी भएको छ । अध्यक्ष पदमा माओवादी केन्द्रका हेरमान गोपाली १०५ मतान्तरसहित विजयी भए ।

गोपालीले ८६३ मत प्राप्त गरेका छन् भने उनका निकटतम प्रतिद्वन्द्वी नेकपा एमालेका प्रदीप प्रधानले ७५८ मत प्राप्त गरे ।

त्यस्तै, नेपाली कांग्रेसका उम्मेदवार रुपचन गोपालीले ३ सय ५८ मत प्राप्त गरेका छन् । वडा नम्बर १ मा उनीसहित माओवादीको प्यानल नै विजयी भएको हो ।

अब वडा नम्बर २ को मतगणना थालनी गरिने निर्वाचन अधिकृतको कार्यालयले जनाएको छ ।