Wed May 18 2022
आर्थिक

जेठ महिनामा पनि बैंकिङ ब्याजदर स्थिर रहने

वाणिज्य बैंकहरुले जेठ महिनाका लागि निक्षेपको ब्याजदर स्थिर राखेका छन् । फागुन महिनामा ब्याजदर बढाएर अधिकतम ११.०३ प्रतिशत पु¥याएका बैंकहरुले पछिल्लो तीन महिनादेखि ब्याजदर स्थिर राखेका हुन् ।

२७ वटा वाणिज्य बैंकहरुको छाता संगठन बैंकर्स संघले तरलता अभावका बीच पनि जेठ महिनाका लागि ब्याजदर स्थिर राख्ने निर्णय गरिएको जनाएको छ । ब्याजदर बढाए पनि निक्षेप नबढ्ने तर लागत भने वृद्धि हुने भएपछि बैंकहरुलाई संघले जेठमा पनि वैशाखकै ब्याजदरलाई निरन्तरता दिन आग्रह गरेको थियो ।

योसँगै जेठ महिनामा पनि बैंकहरुले मुद्दती निक्षेपमा अधिकतम ११.०३ प्रतिशतसम्म ब्याजदर दिनेछन् ।