Sun Jul 3 2022
खेलकुद

खेलाडी–प्रशिक्षक विवाद : छानबिन समितिले आज प्रतिवेदन बुझाउने

नेपाली राष्ट्रिय फुटबल टोलीका मुख्य प्रशिक्षक अब्दुल्लाह अल्मुताइरीसँग खेलाडीको विवादको विषयमा छानबिन गर्न गठित समितिले आज प्रतिवेदन बुझाउने भएको छ ।

अखिल नेपाल फुटबल संघ (एन्फा) एन्फाका महासचिव इन्द्रमान तुलाधरले समितिले आज प्रतिवेदन बुझाउने जानकारी दिए । एन्फाले खेलाडी–प्रशिक्षक विवाद तीन सदस्यीय छानबिन समिति गठन गरेको थियो ।

सेनाका सेवानिवृत्त मेजर जनरल भिक्टर राणाको संयोजकत्वमा एन्फाले समिति गठन गरेको थियो ।

उक्त समितिले सात दिनको मिति पाएको थियो । एएफसी एसियन कप छनोटखेलका लागि नेपाली राष्ट्रिय टोलीमा रहेका खेलाडीहरुले १० जना खेलाडीले क्याम्प छोडेर गएका थिए ।

आफ्नो आधारभुत आवश्यक्तका विषयमा कुरा राख्दा पनि प्रशिक्षकसँग खटपट परेको विषयमा खेलाडीहरुले क्याम्प छोडेर गएका थिए ।

त्यसपछि खेलाडीहरुले आफूहरुलाई न्याय दिनुपर्ने बताउँदै एन्फासँग अनुरोध गरेका थिए । त्यसपछि एन्फाको कार्यसमिति बैठकले छानविन समिति गठन गरेको थियो ।