Sun Jul 3 2022
मुख्य खबर

चरम मुल्यबृद्धिको मारमा उपभोक्ता

मेनुका लम्साल-  दैनिक उपभोग्य वस्तुको मूल्य अकासिएको छ । मुलुकमा चुनावी माहोल सकिनेवित्तिकै भएको मूल्यवृद्धिका कारण उपभोक्ता खर्च धान्नै नसक्ने अवस्थामा पुगेका छन् ।

रुस युक्रेनबिच भएको युद्धको कोरोना महामारीका कारण ओरालो लागिरहेको अर्थतन्त्र अन्तराष्ट्रिय स्तरमा भएका युद्ध लगायतका कारण नेपाली भान्साकोठा देखि डिजेल पेट्रोलसम्म मंहगिएका छन् ।

आम उपभोक्ताले थेग्नै नसक्ने गरी भएको अचाक्ली मुल्य वृद्धिले सबै जनता मारमा परिरहेका छन् । यसरि एकाएक हरेक क्षेत्रमा भएको अस्वभाविक मुल्य वृद्धिले केहि समयपछि हरेक नेपालीहरुको दैनिकी विकराल रुप लिन सक्ने आंकलन गर्न सकिन्छ ।

खाद्यन्न देखि पेट्रोल र डिजेल खाना पकाउने ग्याससम्मको मूल्य वृद्धिहुँदा आम उपभोक्ता मारमा परेका छन् । अचाक्ली मुल्य वृद्धि हुँदा पनि सरकार मौन बसेको भन्दै यतिबेला उपभोक्ता अधिकारकर्मी आक्रोशित बनेका छन् । मुल्य वृद्धि भएको छोटो समयमै गुजारा गर्नै मुस्कील हुन थालिसकेको सर्वसाधारण बताउछन् ।

बजारमा अराजकता बढ्नुका साथै विभिन्न बहानामा हप्तामै २ चोटीसम्म पेट्रोलियम पदार्थको मुल्य वृद्धि भएको छ । त्यस्तै खाद्यन्न लगायत सवारी भाडादर बढ्ने क्रियाकलाप नियन्त्रण गर्नमा सरकार चुकेको उपभोक्ता अधिकारकर्मी बताउछन् ।

यता वाणिज्य आपूर्ती तथा संरक्षण विभागले भने नेपालमा प्रयोग गर्ने अधिकाशं समान आयातित हुने भएकाले मुद्रामा भएको मुल्य वृद्धि, स्रोत साधनको आयात गर्दा कष्टहरु बढ्ने हुदा मुल्य वृद्धि भएको जनाएको छ । यस्तै आयात भएर आएको भन्दा अनचित ढङ्गबाट भएको मुल्य वृद्धिमा अनुगमन गरिरहेको जनाएको छ ।

यसरी एकाएक अनुचित ढङ्गबाट भएको मुल्य वृद्धिले धेरै नागरिकहरु मारमा परिरहेका छन् अब पनि सरकारले आवश्यक कदम नचाल्ने हो भने देशमा गरिबी बढ्न सक्ने आशंका छ । तसर्थ सम्बन्धित सरोकारवाला निकायले यसप्रति ध्यान दिन आवश्यक छ ।