Sun Jun 26 2022
देश

रवीन्द्र मिश्रको कटाक्ष: म त खुइलिएँ, तपाईंहरुको राजनीतिक अभीष्ट पूरा होस्

काठमाडौं । पार्टीको चुनावी पराजयपछि विवकेशील साझा पार्टीको अध्यक्षबाट रवीन्द्र मिश्रले राजीनामा दिए । उनीमाथि विभिन्न टिकाटिप्पणीहरु भइरहेका छन् ।

राजीनामापछि मिश्रले आफ्नो भावी योजनाबारे केही खुलाएका छैनन् । उनले सामाजिक सञ्जालमार्फत उनले भावुक टिप्पणीहरु गरिरहेका छन् । आज भने मिश्रले आफ्ना (अ)मित्र (हरु)मा समर्पित गर्दै कटाक्षपूर्ण स्टाटस लेखेका छन् ।

यस्तो छ मिश्रको स्टाटस:

ती (अ)मित्र(हरू)मा समर्पित

जसले मलाई प्रत्यक्ष भेटमा सिधै भनेका थिए, ‘तपाईंलाई नखुइल्याई त मेरो र हाम्रो राजनीतिक अभिष्ट नै पूरा हुँदैन नि !’ अब म खुइलिएँ। तपाईं(हरू)को राजनीतिक अभीष्ट पूरा होस् ! यो देश हाम्रै जीवनकालमा रुपान्तरण होस्। तपाईं(हरू)लाई शुभकामना छ !