Sun Jun 26 2022
मुख्य खबर

भूमे नाचमा रमाउँदै रुकुमको मगर समुदाय

मेगराज खड्का,  रुकुम पश्चिम- मगर समुदायको वाहुल्य रहेको रुकुममा भुमेपर्वको रौनक सुरु भएको छ । रुकुमका मगर समुदायले आफ्नै पहिरनमा वाजा गाजा सहित लेकमा पुगी बन देवतालाई पुजा गरेर नाच शुरु गर्ने गरिन्छ ।

हरेक दिन बाजा गाजा सहित मगर समुदायका ब्यक्तिहरु भूमे नाचमा सहभागी हुने गर्दछन । असार ५ गते भूमे पर्वको समापन गर्ने गरिन्छ । भुमी देवतालाई पुजा गरे अनिष्ट नहुने, वालिनाली सप्रिने मगर समुदायमा जनविश्वास रही आएको छ ।

रुकुम पश्चिम सदरमुकाममा बसोवास गर्ने मगर समुदायहरु आफ्नो परम्परागत पहिरणमा सजिएर खलंगाको सहिद मैदानमा जम्मा भई एक आपसमा रमाईलो गर्दै भूमे नाच्ने गर्दछन् । परम्परागत रुपमा चल्दै आएको संस्कृतिक पर्वमा रम्न पाएकोमा नयाँ पुस्ताका युवायुवतीहरु पनि खुसि छन ।

धेरैजसो स्थानहरुमा भुमेको अवसर पारि, मेला, प्रतियोगिता, खेलकुद लगातयका बिभिन्न कार्यक्रमहरु आयोजना गर्ने गरिएको छ । भूमे पर्व मनाउँन घर वाहिर रहेकाहरु पनि यतिखेर घर फर्किएका छन ।