पश्चिम नवलपरासीको प्रतापपुर–७ सूर्यपुरामा रहेको गण्डक नहरमा डल्फिन भेटिएको छ । हिजो दिउँसो भेटिएको डल्फिनलाई स्थानीय, वन रक्षक र प्रहरीको सहयोगमा उद्धार गरी पूर्वी नवलपरासीको त्रिवेणीमा रहेको नारायणी नदीमा छाडिएको जिल्ला वन कार्यालयका निमित्त प्रमुख रविन्द्रनाथ चौधरीले जानकारी दिनुभयो ।

उहाँकाअनुसार डल्फिन अनुमानित ७०र७५ किलो र लम्बाई ६ फिटभन्दा बढी रहेको छ । डल्फिन गण्डक बाँधबाट भारतीय नहर हुँदै सूर्यपुरा विद्युत् गृहको बाँधसम्म आएको निमित्त प्रमुख चौधरीले बताउनुभयो ।

पछिल्लो समय नारायणी नदी आसपासमा डल्फिनको सङख्या बढ्दै गएको छ । तर डल्फिनको संरक्षणमा सरकारले चासो नदिएको संरक्षणकर्मीले बताएका छन् । डल्फिन नेपालमा पाइने एकमात्र स्तनधारी जलचर प्राणी हो ।