Fri Aug 19 2022
गण्डकी प्रदेश

आजको मौसम : देशभर आंशिकदेखि सामान्य बदली, गण्डकी प्रदेशमा भारी वर्षाको सम्भावना

काठमाडौं : आज देशभर आंशिकदेखि सामान्य बदली रहने मौसम पूर्वानुमान महाशाखाले जनाएको छ। हाल देशभर सामान्य बदली रही थोरै स्थानहरूमा हल्का वर्षा भइरहेको छ।

आज दिउँसो देशका केही स्थानहरूमा मेघ गर्जन र चट्याङ्‍सहित हल्क देखि मध्यम वर्षाको सम्भावना रहेको छ। गण्डकी प्रदेश र सुदूरपश्चिम प्रदेशका एक-दुई स्थानमा भारी वर्षाको सम्भावना रहेको महाशाखाले जनाएको छ।

यस्तै, आज राती देशभर आंशिकदेखि सामान्य बदली रहने र केही स्थानहरूमा मेघ गर्जन र चट्याङ्सहित हल्का देखि मध्यम वर्षाको सम्भावना रहेको छ। गण्डकी प्रदेशका एक-दुई स्थानमा भारी वर्षाको सम्भावना रहेको जनाइएको छ।

आज बिहानैदेखि गण्डकी प्रदेशको कास्कीको जुमलेटी, पोखरा विमानस्थल, लामापाटन, घलेखर्कलगायत धरै स्थानमा र पर्वत, गोरखा र आसपास केही स्थानमा भारी बर्षा भएको छ। उक्त जिल्ला भई बहने साना नदीमा आकस्मिक बहाव हुन सक्ने भन्दै बाढी पूर्वानुमान महाशाखाले तटीय क्षेत्रमा सतर्कता अपनाउन आग्रह गरेको छ।