Fri Aug 19 2022
अन्तर्राष्ट्रिय

भ्वाइस अफ नेपालमा दिप र तृष्णा बाहिर, राजेशपायल र प्रविशाको इन्ट्री

काठमाडौं । गायन रियालिटी शो ‘द भ्वाइस अफ नेपाल’ ले चौथो सिजनका लागि प्रशिक्षक परिवर्तन गरेको छ । तीनवटै सिजनदेखि मुख्य कोच रहँदै आएका दीप श्रेष्ठ र गतवर्ष कोच रहेकी तृष्णा गुरुङ यो सिजनमा भने नरहने भएका छन् ।

हिमालय टेलिभिजनबाट प्रशारण हुने शोकोे हरेक सिजनमा एक महिला कोच परिवर्तन हुँदै आएकोमा आयोजकले यसपटक भने दुई जना कोच परिवर्तन गरेको हो ।

अबको एक महिनापछि प्रशारण हुन गईरहेको ‘द भ्वाइस अफ नेपाल’ को चौथो सिजनमा दीप श्रेष्ठ र तृष्णा गुरुङको सट्टामा गायक राजेशपायल राई र गायिका प्रविशा अधिकारी नयाँ प्रशिक्षकमा रुपमा भित्रिने भएका छन् । राजु लामा र प्रमोद खरेलले भने यथावत् नै रहनेछन् ।

‘द भ्वाइस अफ नेपाल’ सिजन चारको डिजिटल अडिसनमा सहभागी ४१ हजार आवेदकमध्ये १२० प्रतिभाशालीहरुले ब्लाईन्ड अडिसनको लागी तयारी गरिरहेका छन् । यसपटकको अडिसनमा भारत, थाइल्याण्ड, बर्मा, अष्ट्रेलिया र अमेरिकामा बसोबास गर्ने नेपाली भाषी प्रतिभाहरुको पनि सहभागिता रहेको छ ।