Fri Aug 19 2022
देश

सरकारको प्रष्टीकरण- केपी ओलीको पछाडि सीआईडी लगाएको छैन

काठमाडौं । सरकारले एमाले अध्यक्ष केपी ओलीको पछाडि गुप्तचरी गरेको र फोन ट्यापिङ गरेको समाचार निराधार भएको स्पष्टीकरण दिएको छ ।

मन्त्रीपरिषद्का निर्णय सार्वजनिक गर्न शुक्रबार सिंहदरबारमा आयोजित पत्रकार सम्मेलनमा सरकारका प्रवक्ता ज्ञानेन्द्रबहादुर कार्कीले केही सञ्चारमाध्यममा आएको केपी ओलीको गुप्तचरी गर्न गुप्तचर परिचालन गरेको र नागरिकको फोन ट्यापीङ गरी गोपनियताप्रति हस्तक्षेप गरेको भन्ने समाचार निराधार भएको बताए ।

‘यस्तो भ्रममा कोही पनि नपर्न अनुरोध छ । सरकार व्यक्तिको स्वतन्त्रता र गोपनियताको अधिकारप्रति सचेत रहेको र यसको सम्मान तथा सम्बर्द्धन गर्न प्रतिबद्ध छ’, मन्त्री कार्कीले भने ।