Fri Oct 7 2022
अन्तर्राष्ट्रिय

 कोल्याप्स हुने संघारमा पाकिस्तानको अर्थतन्त्र 

इस्लामाबाद [पाकिस्तान], (एएनआई): पाकिस्तानको अर्थतन्त्र न्यून स्तरमा खस्किँदा अमेरिकी क्रेडिट रेटिङ एजेन्सी एस एन्ड पी ग्लोबलले पाकिस्तानको क्रेडिट आउटलुकलाई नकारात्मक बनाएको छ र पाकिस्तानले छिट्टै अर्थतन्त्रमा श्रीलंकालाई ऋणमा पछ्याउन सक्छ भन्ने पूर्वानुमान थप वलियो भएको छ । पूर्वनिर्धारित कर्जा तालिका र आर्थिक संकट लगायतका कुराहरु दुबै देशका हकमा अब समान भएका हुन , मिडिया रिपोर्टहरूले उल्लेख गरेका छन् ।

कमोडिटीको उच्च मूल्य, रुपयाको अवमूल्यन र कडा विश्वव्यापी वित्तीय अवस्थाका कारण देशको बाह्य स्थिति कमजोर बन्दै गएको छ, द न्यूज इन्टरनेशनलले रिपोर्ट गरेको छ। क्रेडिट एजेन्सीले बिहीबार जारी गरेको विज्ञप्तिमा द्विपक्षीय र बहुपक्षीय ऋणदाताहरूको सहयोग तुरुन्तै घट्यो वा प्रयोगयोग्य विदेशी विनिमय सञ्चितिमा थप गिरावट आएमा पाकिस्तानलाई डाउनग्रेड गर्न सकिन्छ भन्ने हाइलाइट गरिएको थियो।

चीनको क्रृणमा चुर्लुम्म डुबेको पाकिस्तानले चीनलाई फिर्ता दिनु पर्ने रकम त छँदै छ तर सबैभन्दा दुख्खदायी कुरा भनेको चीनको सहयोगमा बनाइएको अरबौं डलरका परियोजनाहरु सञ्चालन सम्म हुन सकेको छैन । बढ्दो क्रृण भार, बिग्रदो अर्थव्यबस्था, देश भित्र आन्तरिक समस्याहरु र प्राकृतिक विपतहरु अनि अस्थिर सरकारका कारण पाकिस्तानको अर्थतन्त्रले घुँडा टेकिसकेको छ ।

भएका बहुराष्ट्रिय कम्पनीहरु सुस्तरि देशबाट निक्लन थालेका छन्, देश भित्र अत्यावश्यक सामानहरुकै माग र पूर्तिको श्रृखला गडबड छ भने अहिले सर्वाधिक मुल्य वृद्धि र मुद्रास्फीतीका कारण पाकिस्तान बिनाशको नजिक आइपुगेको हो ।