Fri Oct 7 2022
मुख्य खबर

समाजलाई फाइदा हुने गरि कार्यसम्पादन गर्नुः गगन थापा

काठमाडौँ– नेपाली कांग्रेसका महामन्त्री गगन थापाले समाजलाई फाइदा हुने गरि कार्यसम्पादन गर्न लोकतान्त्रीक खेलकुद संघलाई सुझाव दिएका छन् ।

मंगलबार काठमाडौंमा नेपाल लोकतान्त्रीक खेलकुद संघ बागमती प्रदेश, काठमाडौं क्षेत्र नम्बर ४ को प्रशिक्षण कार्यक्रममा थापाले खेलमा लाग्ने युवाहरूको भविष्य उज्जल रहेको र देशको सेवा पनि हुने भएकाले यसप्रति ध्यान दिन सुझाव दिएका हुन् । कुलतमा फस्ने युवाहरूको संख्या बढ्दै गएको अवस्थामा युवाहरूलाई विभिन्न खेलमा आवद्ध गराए युवाहरूले सही बाटो समात्ने उनले बताए ।

थापाले दुई हप्ताभित्र कमिटी बनाएर आवश्यक खेल कार्यक्रम तय गर्न निर्देशन दिए । त्यस्तै थापाले खेल मार्फत समाज रूपान्तरणमा योगदान गर्न पनि सुझाव दिए ।