Sat Oct 1 2022
अन्तर्राष्ट्रिय

प्रिमियर लिगमा आज तीन खेल

प्रिमियर लिग फुटबलमा आज (आइतबार) बिभिन्न तीन खेलहरु हुँदैछन् । आज हुने पहिलो खेलमा चेल्सीले लिड्स युनाइटेडको सामना गर्दैछ । लिड्सको घरेलु मैदानमा हुने दुई टोलीबीचको खेल नेपाली समय अनुसार साँझ ६ः ४५ मा सुरु हुनेछ । आजको खेलमा चेल्सी दोस्रो जितको खोजीमा हुनेछ । चेल्सीले अघिल्ला दुई खेलमा एक बराबरी र एकमा जित निकालेको थियो ।

यता लिड्सको पनि नतिजा त्यही छ । यसै समयमा हुने अर्काे खेलमा वेस्ट हमले ब्राइटनसँग प्रतिस्पर्धा गर्दैछ । आज हुने अन्तिम खेलमा म्यानचेस्टर सिटीले न्युक्यासल युनाइटेडसँग खेल्दै वेस्ट हमले ब्राइटनसँग प्रतिस्पर्धा गर्दैछ ।
आज हुने अन्तिम खेलमा म्यान्चेस्टर सिटीले न्युक्यासल युनाइटेडसँग खेल्दैछ । दुई टोलीबीचको खेल नेपाली समय अनुसार राति ९ः १५ मा सुरु हुनेछ ।

आजको खेलमा जित निकाल्दै सिटी तालिकाको शीर्ष स्थानमा उक्लने योजनामा छ । सिटीले यसअघिका दुई खेलमा सहज जित निकालेको छ । यता न्युक्यासल भने दोस्रो जितको खोजीमा हुनेछ ।