Tue Sep 27 2022
अन्तर्राष्ट्रिय

श्रीलंकाले भारतबाट डोर्नियर रिकोनेसेन्स विमान ल्याउने

कोलम्बो [श्रीलंका] (एएनआई): श्रीलंकाको समुद्री निगरानी क्षमताहरू बृद्धि गर्न, भारत सरकारले दुई वर्षको लागि भारतीय नौसेना फ्लीटबाट एक डोर्नियर 228 समुद्री गस्ती विमान नि:शुल्क उपलब्ध गराउन सक्छ, स्थानीय मिडिया रिपोर्टले उल्लेख गरेको छ ।

श्रीलंकाका लागि भारतमा निर्माण भइरहेको विमान तयार नभएसम्मका लागि दुई वर्षको अन्तरिम अवधिका लागि उक्त विमान उपलब्ध गराइने बताइएको छ । यो विमान भारत र श्रीलंकाबीच जनवरी ९, २०१८ मा नयाँ दिल्लीमा भएको वार्ताको परिणाम स्वरुप प्राप्त हुँदैछ र त्यस वार्तामा श्रीलंका सरकारले भारतबाट दुई डोर्नियर रिकोनेसेन्स विमान प्राप्त गर्ने चाहना जाहेर गरेको थियो ।

भारत सरकारले नयाँ डोर्नियर २२८ सामुद्रिक गस्ती विमान नि:शुल्क उपलब्ध गराउने निर्णय गरेको समाचार वायरले जनाएको छ र दुवै देशबीच आपसी सहमतिमा भएका शर्तहरूद्वारा गस्ती विमान श्रीलंकाको वायुसेनामा समावेश गरिनेछ।