Tue Sep 27 2022
मुख्य खबर

डोटीमा ट्र्याक्टर दुर्घटना हुँदा एक युवकको मृत्यु

डोटी – डोटीको बोगटान फुड्सिल गाउँपालिका–७ फुल्लेढुंगामा ट्र्याक्टर पल्टिदा एक युवकको मृत्यु भएको छ । दुर्घटनामा एक बालक घाइते भएका छन् ।

मृत्यु हुनेमा ट्र्याक्टरमा सवार स्थानीय १७ वर्षीय जीवन भुल रहेका छन् । उनको घटनास्थलमै मृत्यु भएको हो । दुर्घटनामा घाइते भएका सोही ठाउँका नारायण बमका १३ वर्षीय छोरा पारसको उपचार स्थानीय अस्पताल भइरहेको छ।

हिजो साँझ साढे ६ बजे सुदूरपश्चिम प्रदेश ०१ ००२ त ४७७६ नम्बरको बालुवा बोकेको ट्र्याक्टर अनियन्त्रित भई सडकबाट करिब १० मिटर तल खसेको थियो । ट्याक्टर चालकलाई प्रहरीले नियन्त्रणमा लिइसकेको छ ।