Sat Sep 24 2022
आर्थिक

साउन महिनामा ६ अर्बको भटमास तेल आयात

चालू आर्थिक वर्ष २०७८/७९ मा ६ अर्ब रुपैयाँभन्दा बढीको भटमास तेल भित्रिएको छ । भन्सार विभागले सार्वजनिक गरेको तथ्यांकअनुसार साउन महिनामा उक्त मूल्य बराबरको भटमास तेल आयात भएको हो ।

यसअवधिमा, २ करोड ६० लाख लिटर कच्चा भटमास तेल भित्रिएको विभागले सार्वजनिक गरेको तथ्यांकमा उल्लेख छ । यस्तै, आयातकर्ताले उक्त परिमाण बराबरको तेल आयात गर्दा राज्यलाई १ अर्ब १२ करोड रुपैयाँभन्दा बढी राजश्व बुझाएका छन् ।

यसअवधिमा नेपालले अर्जेन्टिना, ब्राजिल, पाराग्वे, इटाली, भियतनाम, अमेरिका र भियतनामबाट कच्चा भटमास तेल भित्रिएको छ । अर्जेन्टिनाबाट ३ अर्ब ६३ करोड ५५ लाख रुपैयाँको कच्चा भटमास तेल भित्रिँदा ब्राजिलबाट ७४ करोडभन्दा बढीको तेल भित्रिएको छ ।

यसका साथै इटालीबाट ३३ करोड, पाराग्वेबाट १५ करोड, अमेरिकाबाट ३७ र भियतनामबाट ७५ करोड रुपैयाँको कच्चा भटमास तेल भित्रिएको तथ्याङ्क छ ।