Fri Oct 7 2022
अन्तर्राष्ट्रिय

ला लिगा : लेवान्डोस्की चम्कदा बार्सिलोना शीर्ष स्थानमा

काठमाडौं । स्पेनिस ला लिगा फुटबलमा बार्सिलोनाले सहज जित निकालेको छ ।

शनिबार भएको खेलमा बार्सिलोनाले १० खेलाडीमा समेटिएको इल्चेलाई ३-० गोल अन्तरले हराएको हो ।

बार्सिलोनाको जितमा रोबर्ट लेवान्डोस्कीले दुई गोल गरे । मेम्फिस डिपेले एक गोल थपे ।

खेलको १४ औं मिनेटमा गोन्जालोले रातो कार्ड पाएपछि इल्चे १० खेलाडीमा समेटिएको थियो ।

३४ औं मिनेटमा लेवान्डोस्कीले गोल गर्दै बार्सिलोनालाई सुरुआती अग्रता दिलाए ।

खेलको ४१ औं मिनेटमा मेम्फिसले गोल गरेपछि बार्सिलोना २-० ले अघि रह्यो।

४५ औं मिनेटमा इल्चेका मुख्य प्रशिक्षक फ्रान्सिस्को रोड्रिगेजले रातो कार्ड पाए ।

त्यसपछि खेलको ४८ औं मिनेटमा लेवान्डोस्कीले व्यक्तिगत दोस्रो गोल गर्दै बार्सिलोनालाई ३-० को जित दिलाए ।

Image

जितसँगै बार्सिलोना शीर्ष स्थानमा उक्लिएको छ । बार्सिलोनाले ६ खेलमा १६ अंक जोडेको छ ।

इल्चे १ अंक जोडेर पुछारमा रहेको छ ।