Thu Dec 1 2022
मुख्य खबर

विएण्डसी प्रकरणः अबैध मुद्रा ओसारपसारमा समेत संलग्नता

जग्गाधनी धनिपुर्जा नै नक्कल्ली बनाएर सरकार र बैङ्क झुक्याएका झापाका बिवादीत मेडिकल ब्यवसायी दुर्गा प्रसाई अवैध मुद्रा ओसारपसारमा समेत संलग्न रहेको कागजात फेला परेको छ ।

प्रसाईले नेपालका बैङ्कबाट ठूलो रकम ऋण लिई अवैधबाटो हुँदै दुवई पु¥याएर कम्पनी खोलेको प्रमाण फेला परेको हो ।

हुँदै नभएको जमिनको धनीपुर्जा सरकारी निकायमा पेश गरेर बिएण्डसि टिचिङ अस्पताल खोल्ने स्विकृति लिएका झापाका ब्यापारी दुर्गा प्रसाईले नेपाली पैसा हुण्डि मार्फत दुवई लगेर कम्पनी खोलेको कागज फेला परेको छ ।

प्रसाईले नेपालका बिभिन्न बैङ्कबाट ऋण लिएको रकम कानुन बिपरित दुवई पुर्याएर कम्पनि खोलेको फेला परेका कागजातले पुष्टि गरेको छ । उनले गएको बैशाख १० गते दुर्गा प्रसाई इन्भेस्टमेन्ट कम्पनी एल एलसि नामक कम्पनी दुवईको अर्थ तथा पर्यटन बिभागमा दर्ता गराएको कागज फेला परेको हो ।

प्रसाईको कम्पनीले १०६६६०७ नम्बरको ब्यापारिक लाईसेन्स प्राप्त गरेको छ । जस अनुसार कम्पनीमा कुल १० लाख दिराम अर्थात ३ करोड ६० लाख नेपाली रुपँया लगानी गरिएको छ ।
उक्त कम्पनीमा प्रसाईको ४० प्रतिशत उनका छोरा निराजन प्रसाईको ४० प्रतिशत लगानी रहेको कागजातमा उल्लेख छ । त्यस्तै नेपाली नगरिक रिजवन आलम मियाँको १० र स्थानीय राजपरिवारका सदस्य शेख मोहम्मद मख्तुम जुमा अल मख्तुमको १० प्रतिशत शेयर रहेको छ ।

शेख मोहम्मद मख्तुम जुमा अल मख्तुम उनै ब्यक्ति हुन् जसले नेपाल आउँदा प्रसाईलाई सुनको लौरो उपहार दिएको भनेर प्रचार गरिएपनि उनिहरुको सम्बन्ध सुन तस्करीसँग समेत हुनसक्ने शंका गरिएको थियो ।

प्रसाईसँग दुवईका नागरिक शेख मोहम्मद मख्तुम जुमा अल मख्तुमलाई चिनाजानी गराइदिने नेपाली नागरिक रिजवन आलम मिया भएका कारण उनलाई १० प्रतिशत कम्पनीको शेयर दिइएको थियो । तर, आलम नेपाल आएका बखत प्रसाईले प्रहरी प्रयोग गरी आलमलाई त्रिभुवन अन्तराष्टिय बिमानस्थलबाट पक्रन लगाई हिरासतमा राखेपछी उनिहरुको सम्बन्धमा खटपट शुरु भएको थियो ।

त्यही खटपटका कारण दुवईमा गरिएको अवैध लगानीको पोल खुल्ने डरले प्रसाईले गएको साउन १७ गते रिजवान आलम मियाको १० प्रतिशत शेयर आफ्नै छोरा निराजन प्रसाईको नाममा फिर्ता लिएको कागजातबाट प्रष्टिएको छ ।

प्रसाईले १५५१२३३३ नम्बरको रसिद मार्फत ३ हजार ४ सय ६० दिराम अर्थात ंकरिव १ लाख २५ हजार नेपाली रुपँया राजस्व तिरेर कम्पनीको १० प्रतिशत शेयर छोराको नाममा सारेका हुन् ।

कागजातमा उल्लेख भएअनुसार प्रसाईको परिवारको करिब ३ करोड २५ लाख नेपाली रुपँया उक्त कम्पनीमा लगानी रहेको देखिएको छ । उनले यो रकम गएको बैशाखमा हुण्डि मार्फत दुवई पुर्याएको दुवई स्थित हाम्रो स्रोतले जानकारी दिएको छ । यता, सम्पत्ति शुद्धिकरण बिभागले समेत प्रसाईको आर्थिक गतिबिधि बारे अनुसन्धान गरिरहेको बताएको छ ।

किर्ते कागजात बनाई सरकार र बैङ्क समेत झुक्याएकोे प्रकरण सार्वजनिक भएपछी नेपाल प्रहरीको केन्द्रिय अनुसन्धान ब्यूरोले समेत अनुसन्धान अघि बढाएको छ ।