Sat Dec 10 2022
मुख्य खबर

उपत्यकामा सवारी दुर्घटना न्यूनिकरण हुँदै जान्छ : मेयर शाह

काठमाडौं महानगरपालिकाका मेयर बालेन्द्र शाहले यातायात प्राधिकरणको स्थापनापछि उपत्यकामा हुने सवारी दूर्घटना कम हुँदै जाने विश्वास व्यक्त गर्नु भएको छ ।
काठमाडौं उपत्यकामा हुने सडक दूर्घटना न्यूनिकरणका लागि संघीय संसदबाट विधेयक पारित भएको उल्लेख गर्दै मेयर शाहले त्यसबाट सडक दूर्घटना न्यूनिकरण हुँदै जाने विश्वास व्यक्त र्गाूभएको हो ।

आज काठमाडौंमा आयोजित एक कार्यक्रममा मेयर शाहले सार्वजनिक यातायातमा हुने जामका कारण मोटरसाईकल लगायतका दुई पाङग्रे सवारी साधनको चाप बढेको उल्लेख गर्दै त्यसको व्यवस्थापनका लागि पनि सम्बन्धित पक्षहरुबीच विस्तारै सहकार्य गर्दै लैजानुपर्नेमा जोड दिइएको बताउनु भयो ।

मेयर शाहले काठमाडौं उपत्यका भित्र हुने सवारी दूर्घटनामा परी घाईते भएकाहरुको तत्काल उपचार हुने गरी आवश्यक व्यवस्था मिलाउन पनि प्रयास भईरहेको बताउनु भयो ।