तेहरान, इरानको रक्षा मन्त्रालयले इस्फाहान सहरस्थित एउटा सैनिक परिसरमा भएको ड्रोन आक्रमणलाई विफल पारिएको दाबी गरेको छ । मन्त्रालयले आक्रमणमा तीनवटा ड्रोन संलग्न रहेको र यसमा कुनै मानवीय क्षति नभएको पनि जनाएको छ ।

मन्त्रालयले अगाडि भनेको छ, “एउटा ड्रोनलाई वायु प्रतिरक्षा प्रणालीबाट ध्वस्त पारिएको थियो । अन्य दुईवटा ड्रोनलाई प्रतिरक्षा जालुमा पारेर समातिएको थियो । यस कार्यको दौरान एउटा भवनमा सामान्य क्षति भएको छ ।

इरानका विदेशमन्त्री होस्सेन आमिर–अब्दोल्लाहियानले भनेका छन्, “मुलकमा अस्थिरता ल्याउने प्रयास स्वरूप यो कायरतापूर्ण घटना घटाइएको हो । तर यस घटनाले इरानको शान्तिपूर्ण ढंगले आणविक विकास गर्ने चहना र दृढतालाई कुनै प्रभाव पार्ने छैन ।

इरानको आणविक कार्यक्रम र युक्रेनमाथि आक्रमण गरिरहेका रुसलाई हातहतियार आपूर्ति गरेको कारण तनाव चर्किरहेका अवस्था यो ड्रोन आक्रमण भएको हो ।