काठमाडौं । नेपाली राष्ट्रिय क्रिकेट टिमका बलर सन्दीप लामिछानेको आईसीसी टी-ट्वान्टी बलिङ वरीयतामा यथावत रहेका छन् ।

अन्तर्राष्ट्रिय क्रिकेट परिषद (आईसीसी) ले अपडेट गरेको नयाँ वरीयतामा लामिछाने ७० औं स्थानमा कायम रहेका छन्।

बलिङ नै अभिनास बोहोराको वरीयता एक स्थान तल झरेको छ । नयाँ वरीयतामा बोहोरा १ सयौं स्थानमा रहेका छन् ।

ब्याटिङ तर्फ भने ब्याटर कुशल भुर्तेल एक स्थान तल झरेका छन् । नयाँ वरीयतामा कुशल ५३ औं स्थानमा रहेका छन्।

अर्का ब्याटर दीपेन्द्र सिंह ऐरी २ तल झरेर ५९ औं स्थानमा पुगेका छन् ।अलराउण्डर तर्फ दीपेन्द्र सिंह ऐरी १४ औं स्थानमा यथावत रहेका छन् ।

ब्याटिङतर्फ भारतका सुर्य कुमार यादव शीर्ष स्थानमा रहेका छन् । बलिङमा भने श्रीलंकाका वानिन्दु हशरंगा शीर्ष स्थानमा रहेका छन् ।

टी-ट्वान्टी वरीयतामा नेपाल १६ औं स्थानमा यथावत रहेको छ ।