फाइनान्सियल एक्सन टास्क फोर्स (एफएटीएफ)ले रुसको सदस्यता निलम्बन गरेको छ । युक्रेनसँगको युद्धका क्रममा रुसले संस्थाका सिद्धान्तहरू उल्लङ्घन गरेको जनाउँदै एफएटीएफले शुक्रबार सदस्यता निलम्बन गरेको हो ।
युक्रेनमा रुसी आक्रमणको एक वर्ष पूरा भएको अवसरमा एफएटीएफ कदम चालेको हो । एफएटीएफ सम्पत्ति शुद्धीकरण र आतंकवादसँग सम्बन्धित पैसालाई रोक्नका लागि विश्वव्यापी मापदण्डहरू तय गर्ने एक अन्तर्राष्ट्रिय संगठन हो ।
“रुसका क्रियाकलापहरू एफएटीएफको मूल सिद्धान्तविरीतका छन् । रुसले अन्तर्राष्ट्रिय सहयोग र पारस्परिक सम्मानको प्रतिबद्धतालाई पनि उल्लङ्घन गरेको छ, ” विज्ञप्तिमा भनिएको छ । युक्रेनले एफएटीएफको निर्णयको स्वागत गरेको छ । युक्रेनले रुसलाई एफएटीएफबाट हटाउन माग गर्दै आएको छ । तर, निलम्बनपछि पनि रुस एफएटीएफको सदस्य रहनेछ ।
