काठमाडौँ । अखिल नेपाल फुटबल सङ्घको आयोजनामा हुने सहिद स्मारक ए डिभिजन लिगको आज हुने उद्घाटन खेल खुमालटार एफसी र फ्रेन्ड्स क्लबले खेल्दै छन्। खेल बेलुकी ५ः३० त्रिपुरेश्वर स्थित दशरथ रङ्गशालामा सुरु हुने छ।
उद्घाटन समारोहको प्रमुख अतिथि काठमाडौँ महानगरपालिका मेयर बालेन्द्र साह रहने छन् । उद्घाटन खेलमा एमडीएसी स्पोर्ट्स र टिकेटिङ्ग पार्टनर ईएसेवाले सहकार्य गर्दै विद्यार्थीहरूलाई निःशुल्क प्रवेशको व्यवस्था मिलाइएको छ ।
हरेक स्कुल र कलेजका विद्यार्थीहरूले परिचयपत्र देखाएर साधारण प्यारापिट तर्फ निःशुल्क प्रवेश गर्न सक्ने एमडीएसी स्पोर्ट्सका प्रमुख कार्यकारी अधिकृत अर्जुन घिमिरेले जानकारी दिए ।
