काठमाडौं । कतारमा जारी रहेको लिजेन्डस् क्रिकेट लिगको फाइनल खेल आज सोमबार हुदैछ ।
लिगको फाइनल खेलमा नेपाली राष्ट्रिय क्रिकेट टोलीका पूर्व कप्तान पारस खड्का आबद्ध एसीयन लायन्स र वल्र्ड जायन्ट्स बीचमा खेल हुदैछ ।
खेल कतारको दोहा स्थित वेस्ट इन्ड पार्क क्रिकेट मैदानमा बेलुका सवा ८ मा सुरु हुनेछ ।
इलिमिनेटर खेलमा इन्डियन महाराजलाई पराजित गर्दै एसिया लायन्सले फाइनलमा स्थान बनाएको हो । वल्र्ड जायन्ट्स भने समूह चरणको शीर्ष स्थानमा रहँदै फाईनल प्रवेश गरिसकेको छ ।
समूह चरणको दुई खेलमा लायन्स र जायन्ट्सबीचको खेलमा १ खेलमा लायन्स तथा १ खेलमा जायन्ट्स विजयी भएका थिए।
ईलिमिनेटर खेलमा नेपाली राष्ट्रिय क्रिकेट टोलीका पूर्व कप्तान पारस खड्काले प्लेईङ-११ मा मौका पाएका थिए । त्यस खेलमा पारसले बलिङ र ब्याटिङको कुनै अवसर पाएनन् ।
सम्बन्धित समाचार
लोकप्रिय समाचार
