काठमाडौं । युरोकप छनोटमा स्पेनले सहज जित निकालेको छ । शनिबार राति भएको खेलमा स्पेनले नर्वेलाई ३-० गोल अन्तरले हराएको हो ।
स्पेनको जितमा डेब्यु खेलाडी जोसेलुले दुई गोल गरे । डानी ओल्मोले एक गोल थपे । खेलको १३ औं मिनेटमा ओल्मोले गोल गर्दै स्पेनलाई सुरुआती अग्रता दिलाएका थिए ।
दोस्रो हाफमा जोसेलुले दुई मिनेट भित्र दुई गोल गरे । ८४ औं मिनेटमा जोसेलुले गोल गर्दै स्पेनलाई २-० को अग्रता दिलाए ।
त्यसपछि खेलको ८५ औं मिनेटमा जोसेलुले व्यक्तिगत दोस्रो गोल गर्दै स्पेनलाई ३-० को जित दिलाए ।
जोसेलुले डेब्यु खेलमै दुई गोल गरेका हुन् । यस जितसँगै स्पेनले पहिलो खेलमै ३ अंक जोडेको छ ।
समूह ए मा स्पेन दोस्रो स्थानमा रहेको छ । नर्वेले हारबाट छनोटको सुरुआत गरेको छ ।
यस समूहको अर्को खेलमा स्कटल्याण्डले साइप्रसलाई ३-० ले नै हराएको छ ।
सम्बन्धित समाचार
लोकप्रिय समाचार
