काठमाडौँ— इन्डियन प्रिमियर लिग (आईपीएल) मा मुम्बइ इन्डियन्सले मंगलबार दिल्ली क्यापिटल्सलाई अन्तिम बलमा पराजित गर्दै सिजनको पहिलो जित निकालेको छ ।
पहिलो जितपछि मुम्बईले ३ खेलबाट २ अंक जोडेको छ । घरेलु मैदान अरुन जेट्ली स्टेडियममा ६ विकेटले पराजित भएको दिल्लीले लगातार चौथो हार बेहोरेको हो ।
जारी सिजन दिल्ली मात्रै जितविहीन छ ।
दिल्लीले दिउको १७३ रनको लक्ष्य मुम्बइले अन्तिम बलमा पूरा गरेको हो । अन्तिम ओभरमा जितका लागि पाँच रन मात्र आवश्यक रहेका बेला दिल्लीका एनरिक नोर्कियाले सुरुको पाँच बलमा ३ रनमात्र दिएपछि मुम्बइलाई खेल जित्न अन्तिम बलमा २ रन चाहियो । जसमा टिम डेविडले दुई रन लिंदै मुम्बइलाई जित दिलाए ।
टिमले ११ बलमा अविजित १३ रन जोडे । मुम्बइका लागि कप्तान रोहित शर्माले ४५ बलमा ६ चौका र ४ छक्का प्रहार गर्दै सर्वाधिक ६५ रन बनाए । तिकल बर्माले ४१ र इशान किसनले ३१ रन जोडे । खराब लय जारी रहेका सूर्यकुमारयादव शून्यमा आउट भए ।
कयामरुन ग्रीनले ८ बलमा अविजित १७ रन बनाए ।
दिल्लीका मुकेश कुमारले २ तथा मुस्तापिजर रहमानले १ विकेट लिए ।
त्यसअघि टस हारेर पहिले ब्याटिङ गरेको दिल्लीले २ बल बाँकी छँदा सबै विकेट गुमाएर १७२ रन बनाएको थियो । दिलल्लीका लागि अक्षर पटेललले २५ बलमा ४ चौका र ५ छक्का प्रहार गरी सर्वाधिक ५४ रन बनाए । कप्तान डेविड वार्नर ४७ बलमा ५१ रन बनाए । मनिस पाण्डेले २६ रन बनाए ।
मुम्बइका जासोन बेहरनडोर्फ र पियुष चावलाले ३(३ तथा राइले मेरेडिथले २ विकेट लिए ।
