काठमाडौं । सहिद स्मारक ‘ए’ डिभिजन लिग फुटबल अन्तर्गत आज बिहीबार दुई खेलहरु हुँदैछन् ।
लिगको दोस्रो लेगको पहिलो राउण्ड अन्तर्गत बिहीबार दुई खेलहरु हुनेछन् । जसमा एक खेल दशरथ रंगशाला र एक खेल एन्फा मैदानमा हुनेछ ।
त्रिपुरेश्वरस्थित दशरथ रंगशालामा हुने खेलमा मछिन्द्र फुटबल क्लब र संकटा क्लबबीच प्रतिस्पर्धा हुनेछ । मछिन्द्र र संकटाबीचको खेल दिउँसो ३ बजे सुरु हुनेछ ।
मछिन्द्र आज पाँचौं जित निकाल्ने योजनामा हुनेछ । मछिन्द्र १३ खेलमा १८ अंक जोडेर आठौं स्थानमा रहेको छ ।
संकटा पनि पाँचौं जितको खोजीमा हुनेछ । संकटा १३ खेलमा १६ अंक जोडेर दशौँ स्थानमा रहेको छ ।
एन्फा कम्प्लेक्समा एपीएफ क्लब र न्युरोड टिम एनआरटीबीच प्रतिस्पर्धा हुनेछ । एपीएफ र एनआरटीबीचको खेल दिउँसो ३ बजे सुरु हुनेछ ।
एपीएफ आज छैटौं जितको योजनामा हुनेछ । एपीएफ १३ खेलमा १८ अंक जोडेर सातौं स्थानमा रहेको छ ।
एनआरटी पाँचौं जितको खोजीमा हुनेछ । एनआरटी १३ खेलमा १६ अंक जोडेर ११ औं स्थानमा रहेको छ ।
सम्बन्धित समाचार
लोकप्रिय समाचार
