काठमाडौँ । नेपाली कांग्रेसका नेता तथा पूर्वअर्थमन्त्री ज्ञानेन्द्र कार्कीले निजी क्षेत्रलाई उत्साहित गर्नेगरी आगामी आर्थिक वर्षको बजेट ल्याउनुपर्ने बताएका छन् । सोमबार प्रतिनिधिसभामा जारी आगामी आर्थिक वर्षको विनियोजित विधेयकमाथिको छलफलमा बोल्दै कार्कीले लगानीको प्रतिफल आउने गरी निजी क्षेत्रलाई समेत उत्साहित गर्ने गरी बजेट ल्याइनुपर्ने बताए ।
हजारौं लाखौं युवाहरु विदेश पलायन भइरहेको अवस्थामा सरकारले बजेटमार्फत त्यस्तो जनशक्ति स्वदेशमा नै रोक्नेगरी नीति तथा कार्यक्रम ल्याउनुपर्ने उनले बताए । युवाहरुमा पलायको नैरास्यतालाई न्यूनिकरण गर्दै देशमा नै केहीँ गर्न सकिन्छ भन्ने जनभावनाको विकास गर्नुपर्ने बताए । मुलुकभित्र भौतिक पूर्वाधारका साथै उर्जा, कृषि र पर्यटन क्षेत्रमा बजेट केन्द्रित हुनुपर्ने उनले बताए ।
