कैलाली । कैलालीको गौरीगंगा नगरपालिका–१ गोप्कामा बुहारीको हत्या आरोपमा सासूससुरासहित तीनजनालाई प्रहरीले पक्राउ गरेको छ । २७ वर्षीया कविता बुढाको हत्याको घटनामा संलग्नरहेको भन्दै ससुरा डिल्लीसिंह बुढा, सासू लहरी बुढा र जयवीर बुढालाई पक्राउ गरिएको प्रहरीले जनाएको छ ।
लहरीलाई घरबाटै र डिल्लीलाई भजनीको सीमावर्ती क्षेत्रमा लुकिछिपी बसेको अवस्थामा जेठ २७ गते पक्राउ गरिएको प्रहरीले जनाएको छ । डिल्लीसिंह र लहरीको घटना प्रत्यक्ष संलग्न रहेको र जयवीरले घटनापछि फरार भएका डिल्लीलाई लुकाईछुपाई राख्न सहयोग गरेको प्रारम्भिक अनुसन्धान खुलेको प्रहरीको भनाइ छ ।
जेठ १८ गते राती चिर्पटले हिर्काएर हत्या गरेकी कविताको गाउँ नजिकै सामुदायिक वनमा खाल्डोमा पुरिएको अवस्थामा जेठ २३ शव भेटिएको थियो । हत्यापछि सासू सुसुरा मिलेर कविताको शवलाई डोको बोकेर जंगलमा गाडिएको र रगत लागेका कपडा, डोको, फरुवासमेत पुरेको अवस्थामा बरामद भएको प्रहरीले जनाएको छ ।
