काठमाडौं । भारतीय प्रधानमन्त्री नरेन्द्र मोदीले प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डकी पत्नी सीता दाहालको निधनप्रति दुःख व्यक्त गरेका छन् ।
मोदीले सामाजिक सञ्जाल ट्वीटरमा नेपालीमै समवेदना सन्देश लेखेर दाहालको निधनप्रति दुःख व्यक्त गरेका हुन् ।
दाहालको निधन खबरले आफू मर्माहत भएको बताउदै मोदीले हार्दिक समवेदना प्रकट गर्दै दिवंगत आत्मालाई चिरशान्तिको प्रार्थना गरेका छन् ।
उनले भनेका छन्ः
श्रीमती सीता दाहालको दुःखद निधन भएको खबरले मर्माहत भएको छु । २अmउचबअजबलमब प्रति हार्दिक समवेदना प्रकट गर्दै दिवंगत आत्मालाई चिरशान्ति मिलोस् भनी प्रार्थना गर्दछु । ॐ शान्ति।
अहिले दाहालको पार्थीव शरीर श्रद्धाञ्जलीका लागि पार्टी कार्यालय पेरिसडाँडामा राखिएको छ । बुधबार दिउँसो उनको पशुपति आर्यघाटमा अन्त्येष्टि गरिने भएको छ ।
हृदयघात भएपछि बुधबार बिहान ८ बजे नर्भिक अस्पतालमा लगिएको सीताको उपचारकै क्रममा ८ बजेर ३३ मिनेट जाँदा निधन भएको प्रधानमन्त्री प्रचण्डका निजी चिकित्सक प्राध्यापक डा। युवराज शर्माले जानकारी दिए ।
लामो समयदेखि वंशाणुगत पार्किन्सनजस्तो देखिने रोगबाट पीडित सीताको अमेरिका, भारतको मुम्बई र सिंगापुरमा उपचार गरिएको थियो ।
