काठमाडौं । सिन्धुपाल्चोकको हेलम्बु गाउँपालिका वडा नम्बर १ को हल्दे र तिम्बु जोड्ने झोलुंगे पुल निर्माण अन्तिम चरणमा पुगेको छ । बाढीले त्यहाँको पुल बगाएपछि स्थानीय खासगरी विद्यार्थीहरूले निकै दुःख–कष्ट बेहोर्दै आएका छन् ।
हेलम्बु गाउँपालिकाका अध्यक्ष निमा ग्याल्जेन शेर्पाले दुई महिनामै निर्माण सम्पन्न हुन लागेको जानकारी दिए । ‘इच्छाशक्ति भए नसकिने रहेनछ । दुवै भेगका मानिस, विद्यार्थीहरुका लागि असहज थियो। हेलम्बु वडा नम्बर १ हल्दे–तिम्बु जोड्ने झोलुंगे पुलको निर्माण कार्य लगभग अन्तिम चरणमा पुगेको छ ।
बाढीले पुल बगाएपछि यो पुल निर्माणलाई छोटो समय ९दुई महिना० मा सम्पन्न गर्न अहोरात्र खट्नुहुने उपभोक्ता समिति, प्राविधिकलगायत सरोकारवाला सम्पूर्णमा हार्दिक धन्यवाद । पुल छिटै सञ्चालनमा आउने छ,’ उनले भने ।
