जोडिनुहोस
  • होमपेज
  • ‘कोलिफर्म’ भेटिएको सर्दु खोलाको पानी पिउदै हर्कले भने ‘हेरौँ है त मलाई पनि डेंगी लाग्छ लाग्दैन ?’

‘कोलिफर्म’ भेटिएको सर्दु खोलाको पानी पिउदै हर्कले भने ‘हेरौँ है त मलाई पनि डेंगी लाग्छ लाग्दैन ?’

काठमाडौँ । धरान उपमहानगरपालिकाका प्रमुख हर्क साम्पाङले ‘कोलिफर्म भेटिएको सर्दु खोलाको पानी पिउदै पानीका नाममा राजनीति गरेको आरोप लगाउनु भएको छ ।

धरानमा बितरण गरिएको पानीमा कोलिफार्म भेटिएको पुष्टि भएको थियो । सबैतिर बाट गुनासो आएपछि उपमहानगर प्रमुख साम्पाङले उक्त खोलाको शीरमा गएर बोटलबाट पानी निकाली सिधै पिएका छन् । उनले भनेका छन्, “सबैले यो पानी पिएर डेंगी लाग्यो भनेका छन्, म यो पानी पिउँछु, हेरौँ है त मलाई पनि डेंगी लाग्छ लाग्दैन ।”

उनले भनेका छन्, “यति मिठो पानीलाई गाली गरेर १, हुन त यसलाई फिल्टर गरेर खाने हो तर म डाइरेक्ट नै खाइदिन्छु, हाम्रो प्रोजेक्टलाई गाली गर्नेहरुले हेर्नुहोस् भोलि मलाई यो पानी पिएर डेंगी लागेछ भने यो पानीले डेंगी लाग्छ भनेर भनौँला ।”

उक्त खोलाबाट वितरण गरिएको पानीमा कोलिफर्म भेटिएपछि धरानबासीमा डेंगी लागेको र आँखा पाक्ने रोग फैलिएको व्यापक गुनासो आएपछि उपमहानगर प्रमुख साम्पाङले उक्त खोलाको शीरमा गएर बोटलबाट पानी निकाली सिधै पिएका छन् ।

तपाइको प्रतिक्रिया दिनुहोस्

धेरै टिप्पणी गरिएका