दाङ । बाँकेको राप्ती सोनारी गाउँपालिका–८, नयाँगाउँ नजिकैको पूर्व–पश्चिम राजमार्गमा बम विष्फोटबाट सडक क्षति पुगेको छ । गए राति भएको बम विष्फोटबाट सडकमा भ्वाङ परेको छ ।

जिल्ला प्रहरी कार्यालय बाँकेका प्रवक्ता डिएसपी नारायण डाँगीका अनुसार द्वन्द्वकालमा राखिएको बमको अवशेष पड्किएको देखिन्छ। बम विष्फोटबाट कुनै क्षति नभएको उनले बताए ।

उनका अनुसार द्वन्द्वकालमा राखिएको बमको अवशेष पड्किएको पुष्टि भएपछि सडक विभागले भ्वाङ पुरेको छ। अहिले राजमार्गमा सवारी साधन चलिरहेका छन्।