काठमाडौँ । आज साफ यू-१९ च्याम्पियनसिपको सेमिफाइनलका दुवै खेल हुदै छन् ।
दशरथ रंगशालामा पहिलो खेल पाकिस्तान र भुटानबीच अपराहन्न साढे १ बजेदेखि हुने छ भने दोस्रो खेल नेपाल र भारतबीच साँझ साढे ५ बजेदेखि हुने छ ।
नेपाल समुह ए मा एक जित र एक हारसहित उपविजेता हुदै सेमिफाइनलमा पुगेको हो । नेपाल पाकिस्तानसँग १-० गोल अन्तरले हार बेहोरेको थियो भने माल्दिभ्सलाई भने ४-१ गोल अन्तरले पराजित गरेको थियो ।
त्यस्तै पाकिस्तानले नेपाललाई पराजित गरेको थियो भने माल्दिभ्ससँग बराबरी खेल्दै समुह विजेता बनेर सेमिफाइनलमा पुगेको हो ।
त्यसैगरी समुह बी मा भारतले दुवै खेल जितेर समुह विजेता हुदै सेमिफाइनलमा पुगेको हो भने भुटानले एक जित र एक हारसहित समुहमा उपविजेता बनेर सेमिफाइनलमा पुगेको हो ।
त्यस्तै फाइनल खेल आगामी शनिबार हुने तालिका रहेको छ ।
