नेपाल धितोपत्र बोर्डले सूचीकृत संस्थालाई संस्थापक समूह तथा अन्य समूहको लक इन पिरियड सकिनुभन्दा ३० दिनअघि सार्वजनिक गर्न निर्देशन दिएको छ ।
बोर्डले आज सोमवार सूचना निकालेर शेयर कारोबारलाई थप व्यवस्थित तथा पारदर्शी बनाउनका लागि यस्तो व्यवस्था गरेको जनाएको छ । लक इन पिरियड खुल्नुअघि नै लगानीकर्ता एवम् सम्बन्धित सबै सरोकारवालालाई जानकारी गराउनु अनिवार्य गरिएको सूचनामा भनिएको छ ।
यसरी सूचना जारी गर्दा कुल शेयर सङ्ख्या तथा लक इन अवधि समाप्त हुने मितिसमेत स्पष्ट खुलाउनु पर्नेछ । सूचनाको जानकारी धितोपत्र बोर्ड, नेप्से तथा सीडीएस एन्ड क्लियरिङलाई उपलब्ध गराउनु पर्नेछ ।
