संयुक्त अरब इमिरेट्स ९यूएई० बाट तीन सय तीन जना भारतीय यात्रु लिएर निकारागुआका लागि उडेको विमान फ्रान्समा अवतरण गराइएको छ । रोमानियाली लिजेन्ड एअरलाइन्सको एअरबस ए–३४० विमान निकारागुआको राजधानी मानागुआगा प्रस्थान गर्दै गरेकोमा फ्रान्समा अवतरण गराइएको बीबीसी हिन्दीले जनाएको छ । चार्टर्ड गरिएको विमानलाई पेरिसभन्दा एक सय ५० किलोमिटर दुरीमा रहेको वेटरी विमानस्थलमा अवतरण गराइएको हो ।
सुरक्षा अधिकारीले विमानमा रहेका केही यात्रुलाई पक्राउ गरेर विमानस्थल नै सिल गरेका थिए । घटनाको बारेमा अनुसन्धान भइरहेको पनि फ्रान्सेली अधिकारीले बताएका छन् । पेरिसमा रहेको भारतीय दूतावासले पनि विमान रोकिएको विमानस्थलमा आफ्ना अधिकारी पुगेर घटनाको बारेमा अनुसन्धान भइरहेको बताएको खबरमा उल्लेख छ ।
