मुरली गोडिया,गुलरिया

बर्दियाको सदरमुकाम गुलरियामा प्रादेशिक कृषि, पर्यटन तथा औद्योगिक व्यापार महोत्सव सुरु भएको छ । महोत्सवको उद्घाटन गर्दै लुम्बिनी प्रदेश सरकारका मुख्यमन्त्रि डिल्ली बहादुर चौधरीले संस्कृति बचाउन, ब्रान्डिङ्ग र मार्केटिङको लागि प्रदेश सरकार तयार रहेको बताएका छन । “मेला महोत्सवले यहाँको विभिन्न किसिमका संस्कृतिको सन्देश दिएर जिल्लालाई चिनाउन सक्छन् । गाउँ गाउँमा सांस्कृतिक कार्यक्रम गरौं । कुन कुन गाउँमा के देखाउन सकिन्छ त्यसलाई ब्रान्डिङ्ग गरौं । ब्राडिङ्ग गरेको संस्कृतिलाई अगाडि बढाउनको लागि खर्च गर्न प्रदेश सरकार तयार छ ।” मुख्यमन्त्रि चौधरीले भने ।
“हामीले उत्पादनको कुरा गर्छौ । ठुला फ्याट्रि आउदैनन् भने गाउँलाई नै कसरी उद्योग बनाउने । हरेक घरमा ठुलो कुखुराको प्लानिङ्ग गर्नु भन्दा प्रत्येक घर घरमा दुई÷दुई सय कुखुरा दिएर टेक्निकल सपोर्ट गरौं ।” चौधरीले थपे । हामीले जपान, कोरियामा बनेका विदेशी रक्सि खाने तर यहाँको जाँडको झोल थारुले बनाएको भन्ने । थारु समुदायकले घरमै तयार गर्ने जाँड,महुवाको रक्सि लगायतका स्थानिय उत्पादनलाई अव ब्राडिंग गरि स्वादेश मात्र नभई विदेशमा समेत निर्यात गर्ने समय आएको उनले भने । मुख्यमन्त्रि चौधरी भने “अब ठुलो ठुलो कुरा गरेर देश चल्दैन । अब गाउँलाई नै कसरी उद्योग बनाउने त्यसको लागि बजेट छुट्याएको छ । अब महिलाहरुलाई आत्मनिर्भर बनाउन उद्योग वाणिज्य संघ, स्थानीय सरकार र प्रदेश सरकार मिलेर बढौं,त्यसमा प्रदेश सरकार तयार रहेको छ ।” मुख्यमन्त्री चौधरीले सुझाव दिए ।
गुलरिया मुर्तिहा भन्सार खोलाउन भारतीय पक्षसंग कुरा गरेको छु । अब हुुने भारत भ्रमणमा गुलरिया मुर्तिहा भन्सार खुलाउने जोडतोड गर्ने मुख्यमन्त्रीले भने पौष ६ गते शुक्रबार उद्घाटन भएको महोत्सव पौष १६ गतेसम्म चल्नेछ । गुलरिया नगरपालिका–८ कोठिया गाउँ नजिक ९ निलो आयल पेट्रोल पम्मको पुर्व पट्टि०लागेको छ ।