नेपाली कांग्रेसको कार्यसम्पादन समितिको बैठक ३ घण्टापछि सारिएको छ । दिउँसो १ बजेका लागि बोलाएको बैठक चार बजेका लागि सारिएको मुख्य सचिव कृष्णप्रसाद पौडेलले जानकारी दिए । आसन्न राष्ट्रिय सभा चुनावका उम्मेदवार चयनका विषयमा छलफल गर्न कार्यसम्पादन समितिको बैठक बोलाइएको छ । सत्ता गठबन्धनबीच कांग्रेसले १० जना उम्मेदवार उठाउने मोटामोटी सहमति बनेको छ । एकीकृत समाजवादीले तीन जनाको अडान राख्दा अन्तिम सहमति भने बन्न सकेको छैन । कोशी, मधेस, लुम्बिनी र सुदूरपश्चिममा भने क्लष्टर अनुसार भागवण्डामा सहमति जुटिसकेको छ ।