दोस्रो संस्करणको एसिसी प्रिमियर कप टी–२० क्रिकेट प्रतियोगिता आगामी चैत अन्तिम साता हुने भएको छ । एसियन क्रिकेट काउन्सिल ९एसिसी० ले प्रतियोगिता चैत २८ देखि वैशाख ११ अप्रिल १ देखि २३० मा गर्ने प्रस्तावित मिति सार्वजनिक गरेको हो । प्रिमियर कपमा १० टिमबीच २४ खेल हुने एसिसीले जनाएको छ । प्रतियोगिता आयोजकको टुंगो लागेको छैन । यद्यपी यो संस्करणको प्रिमियर कप मध्य पूर्वमा गर्ने एसिसीले जनाएको छ । प्रतियोगितामा नेपाल, युएई, ओमान, हङकङ, मलेसिया, कतार, कुवेत, बहराइन तथा च्यालेन्ज कपको विजेता र उपविजेताले भाग लिनेछन् । यो प्रतियोगिताको विजेता एसिया कप २०२५ मा छनोट हुनेछ । विजेता, उपविजेता र तेस्रो हुने टिमले एसिसी इमर्जिङ टिम्स एसिया कप २०२४ खेल्न पाउनेछन् । नेपालले सन् २०२४ को टी–२० विश्वकपअघि एसिसी प्रिमियर कप खेल्न लागेको हो ।
