काठमाडौं । नेकपा एकीकृत समाजवादीले सचिवालय बैठक बोलाएको छ । बैठक बुधबार बिहान ११ बजे पार्टी केन्द्रीय कार्यालय आलोकनगरमा बस्ने भएको हो ।
सोमबार प्रधानमन्त्री पुष्पकमल दाहाल ’प्रचण्ड’ले अध्यक्ष माधव नेपाललाई सरकारमा सहभागी हुन प्रस्ताव गरेका थिए । जवाफमा नेपालले सल्लाह गर्ने बताएका थिए ।
प्रचण्डको प्रस्ताव, सरकारमा सहभागीताबारे छलफल गर्न बैठक बोलाइएको पार्टी सचिव जीवनराम श्रेष्ठ जानकारी दिए । उनले भने, ‘हामी पर्ख र हेरकै अवस्थामा छौं । यस विषयमा भोलि बस्ने बैठकले निर्णय गर्छ ।’
