विराटनगर- कोशी प्रदेशका निवर्तमान मुख्यमन्त्री केदार कार्की सर्वोच्च पुगेका छन् ।कोशी प्रदेश प्रमुख परशुराम खापुङले संविधानको धारा १६८| ९५० बमोजिम नेकपा एमाले प्रदेश संसदीय दलका नेता हिक्मतकुमार कार्कीलाई मुख्यमन्त्री नियुक्त गरेपछि उनले सर्वोच्चमा रिट हालेका हुन् ।
कार्कीले नयाँ सरकार गठनको आह्वान बदर गरेर मुख्यमन्त्रीमा आफैंलाई निरन्तरता दिन माग गरेका छन् ।मुख्यमन्त्री कार्कीका विरुद्ध एमाले–माओवादीका प्रदेश सभा सदस्यहरूले प्रदेश सभाबाट संकल्प प्रस्ताव पारित गराएका थिए ।
संकल्प प्रस्ताव पारित भएपछि मुख्यमन्त्री कार्कीले विश्वसको मत लिएनन् ।मुख्यमन्त्री कार्कीका अनुसार संविधानको धारा १६८ ९५० बमोजिम बनेको सरकारलाई विश्वासको मत पाएपछि दुई वर्षसम्म अविश्वासको प्रस्ताव ल्याउन पाइँदैन ।
उनी यसअघि उपधारा ५ बमोजिम मुख्यमन्त्रीका नियुक्त भएका हुन् । उपधारा ५ बमोजिम मुख्यमन्त्रीमा नियुक्त हुँदा दलको समर्थन नभएर व्यक्तिको समर्थन हुने, व्यक्तिको समर्थन फिर्ता लिन नमिल्ने मुख्यमन्त्री कार्कीले जिकिर गरेका छन् ।नयाँ सरकार गठनका लागि बाटो खोल्ने प्रदेश प्रमुखको निर्णयलाई कार्कीले सर्वोच्चबाट चुनौती दिएका हुन् ।
कार्की २०८० कात्तिकमा एमालेका ३९ र नेपाली कांग्रेसका ८ जना सांसदको समर्थनमा मुख्यमन्त्री बनेका थिए । तर फागुन २१ गते एमाले र माओवादी मिलेपछि कार्कीको सत्ता बहिर्गमन निश्चित जस्तै थियो ।
