काठमाडौं। बिहीबार दक्षिण कोरियाका राष्ट्रपति युन सुक–योलले आफ्ना रक्षामन्त्री किम योङ–ह्युनको राजीनामा स्वीकार गरेका छन् । रक्षामन्त्रीले उनलाई मार्शल ल लागू गर्न सुझाव दिएका थिए।
किम योङ ह्युनले बिहीबार राजीनामा दिएका छन् र घटनाको सम्पूर्ण जिम्मेवारी आफूले लिने बताएका छन् । किम योङ–ह्युन एक सेवानिवृत्त सेना जनरल हुन् र राष्ट्रपति युनसँग एउटै विद्यालयमा पढेका थिए।
सेप्टेम्बरमा सुनुवाईको क्रममा किमले देशमा असहमतिलाई दबाउन मार्शल ल लागू गर्न सकिन्छ भन्ने विपक्षीको आरोपलाई अस्वीकार गरे, यसलाई झुटो प्रचार भने।
रक्षा मन्त्रीको हैसियतमा किमले उत्तर कोरिया विरुद्ध कडा अडान लिएका थिए र संयुक्त राज्य अमेरिकासँग दक्षिण कोरियाको दीर्घकालीन गठबन्धनलाई बलियो बनाउने प्रयास गरेका थिए।
विपक्षी डेमोक्रेटिक पार्टीले किम योङ ह्युनलाई देशद्रोहको आरोपमा महाभियोग लगाउन माग गरेको छ ।
