बुुद्ध जयन्तीको अवसर पारेर गायक प्रचण्डबाबु राईले आफ्नो नयाँ गित ‘तिम्रै याद आउँछ’को म्युजिक भिडियो सार्वजनिक गरेका छन् । काठमाडौंको मध्यबानेश्वरमा आयोजित एक कार्यक्रमबिच गीतको अडियो र भिडियो सार्वजनिक गरिएको हो ।
माया र विछोडको संयोगलाई हरि लम्सालको शब्दले बुनेको छ । गितमा हरि लम्सालकै संगीत र एरेन्ज रहेको छ । गीतको भिडियोमा मोडेल साक्षी लम्साल, गायक प्रचण्डबाबु र सचिन बोगटीको अभिनय रहेको छ ।
टुवेल नोट्स युट्युब च्यानलमार्फत सार्वजनिक गीतको भिडियोमा रोशन के श्रेष्ठको सीनेमाटोग्राफी, प्रविन मानन्धरको ड्रोन क्यामेरा र विकास धमलाको सम्पादन रहेको छ । प्रचण्डबाबुको गत बर्ष सार्वजनिक गीत ‘दिल खोलेर कुरा गरन’ निकै लोकप्रिय भएको थियो ।
प्रचण्डबाबु लामो समयदेखि सांगितिक क्षेत्रमा आवद्ध छन् । गायनको रुचीले २०५८ सालमा काठमाडौं आएका प्रचण्डबाबु यस अघि पनि केहि गित निकालेका छन् । उनको अमेरिकामा ब्रेकफाष्ट गरौला भन्ने गित समेत निकै चर्चित बनेको थियो ।
