जोडिनुहोस
  • होमपेज
  • विपद्‌ उद्धार र राहतका लागि ‘टास्क फोर्स’ बन्छ : गृहमन्त्री लामिछाने

विपद्‌ उद्धार र राहतका लागि ‘टास्क फोर्स’ बन्छ : गृहमन्त्री लामिछाने

काठमाडौँ : उपप्रधानमन्त्री एवं गृहमन्त्री रवि लामिछानेले मनसुन शुरु भएसँगै विपद् जोखिममा परेका जनतालाई राहत र उद्धारका लागि गृह मन्त्रालयको नेतृत्वमा ‘टास्क फोर्स’ बनाउने बताएका छन्।

सोमवार सिंहदरबारस्थित गृह मन्त्रालयमा मनसुनका समयमा हुने विपद् जोखिमसम्बन्धी सरोकारवालसँगको छलफलमा बोल्दै उपप्रधान तथा गृहमन्त्री लामिछानेले यस्तो बताएका हुन्। उनले वर्षायाम शुरु भएसँगै मनसुनजन्य विपद्‌मा जनताको उद्धार, राहतका लागि नेपाल प्रहरी, सशस्त्र प्रहरी, नेपाली सेना, सडक विभाग, हेलिकप्टर व्यवसायीका प्रतिनिधि, जल तथा मौसम विज्ञान विभागको प्रतिनिधित्व हुने गरी तीन दिनभित्र ‘टास्क फोर्स’ बनाउने बताएका छन्।

उनले उक्त ट्याक्स फोर्सले तीन दिन भित्रमा विपद्‌बाट जनतालाई जोगाउनका लागि गर्नुपर्ने काम र अधिकारका विषयमा कार्ययोजनासहितको कार्यविधि बनाउन निर्देशन दिए। उनले मनसुन शुरु भएकाले प्राकृतिक विपद्‌मा जनताको राहत र उद्धार गर्नु राज्यको दायित्व भएको भन्दै जोखिम आउनुभन्दा पहिला नै राज्यले तयार गर्नुपर्नेमा जोड दिए।

उनले टास्क फोर्सले सम्पूर्ण अधिकार पाउने गरी कार्यविधि बनाएर कामको थालनी गर्न निर्देशन दिए। उनले अफ्ठ्यारो परेको अवस्थामा कानूनी अड्चन नहुने गरी कार्यविधि बनाउन पनि सुझाव दिए।

बाढी पहिरोका कारण सडक अवरुद्ध हुँदा तत्कालका लागि बेलीब्रिज आवश्यक पर्ने भएकाले त्यसको अवस्था सार्वजनिक गरी व्यवस्थित गर्न पनि निर्देशन दिए।उनले बाढी पहिरोलगायतका जोखिममा रहेका घर परिवारलाई सुरक्षित स्थानमा सार्ने काम तत्काल गर्ने गरी टिम तयार पार्न पनि निर्देशन दिए।

प्रचलन खबर

धेरै टिप्पणी गरिएका

0 प्रतिक्रिया
१८ लाख किसान सूचीकृत