काठमाडौँ । नेपाली कांग्रेसका सांसद राजेन्द्र बजगाईँले हिमाल आरोही निर्मल पुर्जालाई नेपाल प्रवेशमा रोक लगाउन सरकारसँग माग गरेका छन् ।
मंगलबार प्रतिनिधि सभा बैठकको शून्य समयमा बोल्दै सांसद बजगाईँले न्यूर्योक टाइम्सले फिनल्याण्डका हिमाल आरोहीलाई पुर्जाले यौन दुर्व्यवहार गरेको समाचार छापिएको बताउँदै नेपालका लागि असाध्यै नराम्रो समाचार रहेको बताए ।
उनले भने–‘कहिले डोरी टाङ्ने शेर्पाहरूलाई डोरी काट्यो भनेर बदनाम गर्ने, कहिले नेपाली नागरिकतामा हिमाल चढ्ने, पछि आफ्नो नागरिकता सरेन्डर गर्छन् । यस्ता व्यक्तिलाई नेपाल सरकारले वा पर्यटन मन्त्रालयले नेपाल आउन बन्देज गर्नुपर्यो ।’
